[ Frank Deux, Nov ´2001 ]

1. Wiehnachenaobend in'n warmen Staomt,
   dat wünschkt sick aal, dei sind buten!
   Dor ligg dei Schnei. Dei Schippers up Sei

   kämpft mit dei ieskoolen Fluten.

   Ehre Gedanken kennt kiene Schranken,
   gaoht aöwer't Waoter nao Huus,
   nao Frau un Kinner, Öllern nich minner,
   

   wiet dör dat Wellengebruus.

2. Wiehnachenaobend in'n warmen Staomt,
   dor kaönt sei herrlich van dröömen.
   Wiet van ehr'n Haofen maöt sei nu schlaopen.

   Wenn sei dor man bol´l hennkömen.

   Sei drömt van'n Dan'nboom. Dat is ein fein' Droom
   in düsse Heiligen Nacht!
   Dei hogen Wellen kaönt wat verteilen.
   

   Dei Stürmann steiht up dei Wacht.

3. Wiehnachenaobend in'n warmen Staomt,
   dat is ja nich wat för aale.
   Schippers up Sei, häbt noch nich frei,

   sei fangt noch riesige Wale.

   Dat daut't sei nich gern. Arbeit mott daon wern,
   uck an denn Wiehnachtsaob'nd.
   Groot sünd dei Freiden, vergäten dei Leiden,
   

   wenn sei nao Huus wedderkaomt.